QDİƏTPM-nin TƏDBİRLƏRİNDƏ
Qara Dəniz İqtisadi Əməkdaşlıq Təşkilatı Parlament Məclisində nümayəndə heyətimizin rəhbəri Eldar Quliyev və deputat Musa Quliyev fevralın 28-də Türkiyənin İstanbul şəhərinə səfərə gedəcək.
Eldar Quliyev QDİƏTPM-nin İşçi Qrupunun görüşündə və qurumun Daimi komitəsinin iclasında iştirak edəcək.
İşçi Qrupunun toplantısında qurumun prosedur qaydalarına təklif olunan düzəlişlər, Beynəlxalq Katibliyinin İşçi heyətinin tərkibində dəyişikliklərin edilməsi, maliyyə məsələləri müzakirə olunacaq. Daimi komitənin iclasında "QDİƏT Regionunda Parlamentlərarası Əməkdaşlığın 25 İlliyi" mövzusu ətrafında fikir mübadiləsi aparılacaq.
Musa Quliyev QDİƏTPM-nin Büdcə-Audit komissiyasının iclasında iştirak edəcək və müzakirə olunacaq məsələlərə öz münasibətini bildirəcək.
Səfər martın 3-də başa çatacaq.
Milli Məclisin
Mətbuat xidməti