PARLAMENTLƏRARASI İTTİFAQIN BAŞ ASSAMBLEYASINDA
Milli Məclis Sədrinin müavini Valeh Ələsgərov və deputat Kamran Bayramov Parlamentlərarası İttifaqın 139-cu Baş Assambleyasında iştirak etmək üçün oktyabrın 14-dən 17-dək İsveçrədə səfərdə olacaqlar.
Cenevrə şəhərində keçiriləcək toplantıda “Texnoloji dəyişiklik və innovasiya dövründə sülh və inkişafın təşviqində parlamentlərin rolu” mövzusunda müzakirələr keçiriləcək.
Assambleya çərçivəsində qurumun Dayanıqlı inkişaf və ticarət, Demokratiya və insan haqları, Sülh və beynəlxalq təhlükəsizlik, BMT məsələləri üzrə daimi komitələrinin iclasları və debatlar keçiriləcək.
Burada Milli Məclis Sədrinin müavini Valeh Ələsgərovun Parlamentlərarası Assambleya İttifaqının baş katibi Martin Çunkonqla görüşü nəzərdə tutulmuşdur.
Səfər zamanı Gənc Parlamentarilərin Forumu keçiriləcək. Deputatımız Kamran Bayramov forumda iştirak edəcək.
Milli Məclisin
Mətbuat xidməti