Milli Məclisin Aqrar  siyasət  komitəsinin  sədr  müavini,  parlamentin Qara  Dəniz  iqtisadi Əməkdaşlıq  Təşkilatı  Parlament  Məclisindəki  nümayəndə  heyətinin rəhbəri Eldar Quliyev qurumun  Hüquq və  Siyasi məsələlər üzrə  komitəsinin  52-ci iclasında  iştirak  etmək  üçün  oktyabrın 16-dan 19-dək  Yunanıstanda  səfərdə olacaq.
Kavala  şəhərində  keçiriləcək toplantıda cari  məsələlərlə yanaşı, quruma  üzv  ölkələrdə  iqtisadi  imkanların  genişləndirilməsi barədə  müzakirələr  aparılacaq,  bununla əlaqədar nümayəndə  heyətlərinin  təklifləri  dinləniləcək.

Milli Məclisin
Mətbuat xidməti