Deputat Aydın Mirzəzadə bildirdi ki, könüllülər hərəkatı son illər gənclərimizi daha çox əhatə etməyə başlayıb və özünü doğruldub. Gənclər bu hərəkata qoşulmaqla ictimai həyatda ilk addımlarını atırlar və burada qazanılmış təcrübə onların gələcəkdə cəmiyyətdə öz yerlərini tutmasına yardımçı olacaq. 

Deputatlar Məlahət İbrahimqızı və Elşən Musayev ölkəmizdə gənclərə göstərilən diqqət və qayğıdan, aparılan islahatlardan danışdılar, belə görüşlərin əhəmiyyətini qeyd etdilər.  Millət vəkilləri gənclərə təmsil etdikləri komitələrin gördükləri işlər, qanun yaradıcılığı prosesi,  parlamentin iş prinsipi barədə məlumat verdilər. Layihə iştirakçıları müxtəlif qanun layihələrinin hazırlanması, təkliflərin verilməsi, prosedur qaydalar və digər məsələlər haqqında məlumatlandırıldılar. 

Tədbirin sonunda layihə iştirakçılarını maraqlandıran suallar cavablandırıldı.