DEPUTATIMIZ TÜRKPA-nın KOMİSSİYASININ İCLASINDA İŞTİRAK EDƏCƏK
Milli Məclisin deputatı Hikmət Məmmədov Türkdilli Ölkələrin Parlament Assambleyasının Hüquqi məsələlər və beynəlxalq əlaqələr komissiyasının 7-ci iclasında və TÜRKPA üzv ölkələrin milli qanunvericiliyinin uyğunlaşdırılmasına dair 3-cü seminarda iştirak etmək üçün fevralın 28-də Qazaxıstanın paytaxtı Astana şəhərinə səfərə gedəcək.
Orada TURKPA-nın 10 illik yubileyi münasibətilə Mükafatlandırma mərasimi də keçiriləcək.
Millət vəkili məsələlər barədə öz fikirlərini bildirəcək.
Səfər martın 2-də başa çatacaq.
Milli Məclisin
Mətbuat xidməti