DEPUTATIMIZ UKRAYNADA PREZİDENT SEÇKİLƏRİNİ İZLƏYƏCƏK
Milli Məclisin deputatı Naqif Həmzəyev Ukraynada keçiriləcək prezident seçkilərini izləmək üçün martın 5-də Kiyevə səfər edəcək.
Avropa Şurası Parlament Assambleyasının müşahidə missiyasının tərkibində prosesə qatılan millət vəkili seçki məntəqələrində aparılan hazırlıq işləri ilə yaxından tanış olacaq, səsvermə zamanı vətəndaşların fəallığına, prosedur qaydalarına riayət olunmasına diqqət yetirəcək, yekun rəydə seçkinin gedişatı ilə bağlı öz münasibətini bildirəcək.
Səfər martın 8-də başa çatacaq.
Milli Məclisin
Mətbuat xidməti