Milli Məclisin deputatı Sevinc Fətəliyeva Avropa Şurası Parlament Assambleyasının Sosial işlər və davamlı inkişaf komitəsinin iclasında iştirak etmək üçün  Avstriyanın paytaxtı Vyanada  səfərdədir.
Tədbirdə insan haqları, o cümlədən sosial hüquqlar, psixoloji sağlamlıq, dərman asılılığı problemı, həmçinin əmək miqrasiyasının uşaqlara təsiri, uşaqlara olan zorakılığın qarşısının  alınması ilə bağlı məsələlərə baxılacaq. Yığıncağda Avropa Şurası İnkişaf Bankının  gələcək fəaliyəti ilə bağlı fikir mübadiləsi aparılacaq.
 Sonra millət vəkili  AŞPA çərçivəsində keçiriləcək konfransda iştirak etmək üçün mayın 15-də Fransanın Strasburq şəhərinə səfərə gedəcək.
Deputatımız qatıldığı tədbirlərdə müzakirə olunacaq məsələlər barədə öz fikirlərini bildirəcək.
Səfər mayın 18-də başa çatacaq.

Milli Məclisin
Mətbuat xidməti