AŞPA-NIN KOMİTƏ İCLASI KEÇİRİLƏCƏK
Milli Məclisin deputatı Sahibə Qafarova Avropa Şurası Parlament Assambleyasının Məcburi köçkünlər və miqrasiya komitəsinin iclasında iştirak etmək üçün mayın 26-dan 30-dək İsveçrənin Sürix şəhərində səfərdə olacaqdır.
Tədbirdə İsveçrədəki miqrantların, qaçqın və məcburi köçkünlərin inteqrasiyası və vəziyyəti, Uşaq köçkünlərin polis nəzarətinə alınmasına son verilməsi, Miqrant uşaqlara qarşı zorakılığın dayandırılması, Avropadakı qaçqın düşərgələrində dini azlıqlara qarşı diskriminasiya və zorakılıq mövzularında fikir mübadiləsi aparılacaqdır.
İclasda deputat Sahibə Qafarovanın “Müşayiətsiz və tənha miqrant uşaqların effektiv himayəyə ehtiyacı” mövzusunda məruzəsi dinləniləcək, mövzu ətrafında müzakirələr aparılacaqdır.
Milli Məclisin
Mətbuat xidməti