QARA DƏNİZ İQTİSADİ ƏMƏKDAŞLIQ TƏŞKİLATI PARLAMENT MƏCLİSİNİN KOMİTƏ İCLASI KEÇİRİLƏCƏK
Sentyabrın 25-də və 26-da Soçi şəhərində Qara Dəniz İqtisadi Əməkdaşlıq Təşkilatı Parlament Məclisinin Hüquqi və siyasi məsələlər komitəsinin 54-cü iclası keçiriləcək.
İclasda Milli Məclisin deputatları, parlamentin QDİƏTPM-dəki nümayəndə heyətinin rəhbəri Eldar Quliyev və İlham Əliyev iştirak edəcəklər.
Tədbirdə “Qara Dəniz İqtisadi Əməkdaşlığı regionunda nəqliyyat marşrutlarının hüquqi və siyasi aspektləri” mövzusunda müzakirələr aparılacaq, bir sıra təşkilati məsələlərə baxılacaqdır.
Deputatlarımız müzakirə olunacaq məsələlər barədə çıxış edəcək, öz fikirlərini bildirəcəklər.
Milli Məclisin
Mətbuat xidməti