Milli Məclisin deputatı Sahibə Qafarova sentyabrın 19-dan Fransanın Strasburq şəhərində səfərdə olacaq.
Millət vəkili burada AŞPA-nın Gender bərabərliyi komitəsinin iclasında iştirak edəcək. Tdbirdə siyasi partiyalarda gender bərabərliyinin tədbiqinin  müsbət təcrübəsi, ailə həyatı ilə peşə həyatının uzlaşdırılması, irqçilik ksenofobiya və dözümsüzlüklə mübarizədə QHT-lərin rolu və başqa mövzularda müzakirələr aparılacaq.
Səfər sentyabrın 22-də başa çatacaq.
                                 ٭ ٭  ٭ 
Milli Məclisin deputatı Rafael Hüseynov sentyabrın 20-dən Sloveniyada səfərdə olacaq.
Millət vəkili Maribor şəhərində keçiriləcək AŞPA-nın iclasında iştirak edəcək. Burada sənaye irsinin dağıdılması, Avropada bu sahədə  vəziyyət, sənaye irsi və ekologiya arasında qarşılıqlı bağlılıq mövzuları müzakirə olunacaq.
Səfər sentyabrın 23-də başa çatacaq.
                                ٭  ٭   ٭  
Milli Məclisin deputatları Əli Hüseynli və Rüfət Quliyev sentyabrın 20-dən Belarusiyanın Minsk şəhərində səfərdə olacaqlar.
Parlamentarilərimiz MDB PA-nın müşahidə missiyasının tərkibində  Milli Şuranın Nümayəndələr Palatasına keçiriləcək parlament seçkilərini izləyəcəklər.
Səfər sentyabrın 24-də başa çatacaq.