Milli Məclisin deputatı Zeynəb Xanlarova dekabrın 8-dən 11-dək Rusiya Federasiyasının paytaxtı Moskva şəhərində səfərdə olacaq.
 Azərbaycan incəsənətinin tanınmış nümayəndəsi, millət vəkili Z.Xanlarova  MDB-nin 20 illik yubileyi münasibətilə keçirilən SSRİ xalq artistlərinin görüşünə dəvət edilib. Tədbirin təşkilatçısı MDB iştirakçısı olan ölkələrin Humanitar Əməkdaşlıq üzrə Dövlətlərarası Fondudur. Görüşdə deputatımız tarixi-mədəni irsin qorunması və bu sahədə əməkdaşlığın daha da genişləndirilməsinə dair fikir mübadiləsində yaxından iştirak edəcək.

Milli Məclisin
Mətbuat xidməti