DEPUTATLARIMIZ İTALİYADA SƏFƏRDƏDİR
Milli Məclisin İtaliya ilə parlamentlərarası əlaqələr üzrə işçi qrupunun rəhbəri Azər Kərimli, deputatlardan Rüfət Quliyev və Rövşən Rzayev İtaliya parlamentinin Azərbaycanla dostluq qrupunun rəhbəri xanım Rosanno Boldinin dəvəti ilə bu ölkənin paytaxtı Romada səfərdədirlər.
Millət vəkilləri İtaliya ilə Azərbaycan arasında diplomatik əlaqələrin qurulmasının 20 illiyinə həsr olunmuş konfransda iştirak edəcəklər. Səfər çərçivəsində deputatlarımız İtaliya parlamentinin rəhbərliyi, komitə sədrləri ilə görüşlər keçirəcək, qanunverici orqanlar arasında əlaqələrin möhkəmləndirilməsi, təcrübə və informasiya mübadiləsinə dair fikirlərini bölüşəcəklər.
Səfər dekabrın 2-də başa çatacaq.
Milli Məclisin
Mətbuat xidməti