BEYNƏLXALQ PARLAMENT FORUMUNDA
Milli Məclis Sədrinin müavini Bahar Muradova və Regional məsələlər komitəsinin sədri Arif Rəhimzadə Rusiyanın paytaxtı Moskva şəhərində keçirilən Beynəlxalq Parlament Forumunda iştirak etmək üçün bu ölkədə səfərdədirlər.
Rusiya Federal Şurası Dövlət Dumasının dəstəyi ilə təşkil edilən toplantı “Müasir parlamentarizm və demokratiyanın gələcəyi” mövzusuna həsr olunub.
Bahar Muradova forumda mövzu ilə əlaqədar çıxış edəcək. Milli Məclisin Sədr müavininin tədbirdə iştirak edən nümayəndə heyətlərinin başçıları ilə bir sıra görüşləri də nəzərdə tutulmuşdur.
Səfər dekabrın 11-də başa çatır.
Milli Məclisin
Mətbuat xidməti