AVRONEST PA-nın İQTİSADİ KOMİTƏSİNİN İCLASINDA
Milli Məclisin Hüquq siyasəti və dövlət quruculuğu komitəsinin sədri Əli Hüseynli, deputatlardan Azər Kərimli və Hacı Salayev Avronest Parlament Assambleyasının İqtisadi komitəsinin iclasında iştirak etmək üçün fevralın 11-dən 13-dək Moldovaya səfər edəcəklər.
Kişinyov şəhərində keçirilən tədbirdə “Şərq tərəfdaşlığı ölkələrinin milli qanunvericiliyi ilə Avropa İttifaqının iqtisadi qanunvericiliyinin uyğunlaşdırılması” mövzusunda məruzə dinləniləcək və məruzə ətrafında fikir mübadiləsi aparılacaq.
Deputatlarımız müzakirə edilən məsələlərə öz münasibətlərini bildirəcəklər.
Milli Məclisin
Mətbuat xidməti