TÜRKİYƏDƏ XOCALI SOYQIRIMINI ANMA MƏRASİMİ KEÇİRİLƏCƏKDİR
Xocalı soyqırımının 21-ci ildönümü ərəfəsində Türkiyənin Qars şəhərində Xocalı soyqırımını anma mərasimi keçiriləcəkdir. Mərasimdə iştirak etmək üçün Milli Məclisin deputatı Aydın Mirzəzadə fevralın 16-dan 19-dək Türkiyədə səfərdə olacaqdır. Deputatımız mərasimdə çıxış edəcək, xalqımıza qarşı törədilmiş bu faciə barədə faktları iştirakçıların diqqətinə çatdıracaqdır.
Milli Məclisin deputatı səfər çərçivəsində qardaş ölkədə yaşayan Azərbaycan icması ilə də bir sıra görüşlər keçirəcək, fikir mübadiləsi aparacaqdır.
Milli Məclisin
Mətbuat xidməti