Milli Məclisin deputatı Fuad Muradov Xocalı soyqırımının 21-ci ildönümünə həsr edilmiş “Xocalı hər zaman bizim ürəyimizdədir” adlı fotosərgidə və anım mərasimində iştirak etmək üçün fevralın 24-də İsrailin Tel-Əviv şəhərinə yola düşəcəkdir.
Tədbirdə millət vəkili çıxış edəcək, ermənilər tərəfindən  xalqımıza qarşı törədilmiş soyqırımı vəhşilikləri fotolar və sənədlər vasitəsilə bu ölkənin ictimaiyyətinə təqdim olunacaqdır.
Fevralın 27-də isə Fuad Muradov Xocalı soyqırımının 21-ci ildönümünə həsr olunmuş və ölkəmizin Avstriyadakı səfirliyi tərəfindən təşkil edilmiş konfransda iştirak etmək üçün Vyanaya gedəcəkdir.
Konfransda erməni şovinist dairələrinin mərhələ-mərhələ azərbaycanlılara qarşı həyata keçirdiyi etnik təmizləmə siyasətinin tərkib hissəsi olan Xocalı soyqırımı haqqında həqiqətlər tədbir iştirakçılarının diqqətinə çatdırılacaqdır.

Milli Məclisin
Mətbuat xidməti