PARLAMENT XƏBƏRLƏRİ
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov, komitənin sədr müavini Sevinc Fətəliyeva, deputatlardan Asim Mollazadə və Sahibə Qafarova martın 5-dən 16-dək ABŞ-a səfər edəcəklər.
Deputatlarımız Vaşinqton şəhərində, Texas ştatında olacaq, bu ölkənin konqresmenləri, qubernatorlar və müxtəlif fraksiyaların nümayəndələri ilə görüşlər keçirəcək, ölkələrimiz arasında münasibətlərin inklişafı, əməkdaşlığın genişləndirilməsi barədə söhbətlər aparacaqlar. Onlara Azərbaycanın iqtisadi inkişafı, parlamentdə qəbul edilən yeni qanun layihələri barədə ətraflı məlumat veriləcək.
* * *
Milli Məclisin deputatı Azər Kərimli Xocalı soyqırımının beynəlxalq hüquqi aspektlərinə həsr olunmuş elmi konfransda iştirak etmək üçün martın 5-dən 7-dək İtaliyanın Roma şəhərinə səfər edəcək.
Səfər çərçivəsində deputatımız Heydər Əliyev Fondu tərəfindən təşkil olunmuş “Fly to Baku” (“Bakıya uçuş”) adlı müasir Azərbaycan incəsənət sərgisinin açılış mərasiminə də qatılacaq.
Milli Məclisin
Mətbuat xidməti