MİLLİ MƏCLİSİN DEPUTATI AŞPA-NIN KOMİTƏ İCLASINDA İŞTİRAK EDƏCƏK
Milli Məclisin deputatı Rafael Hüseynov Avropa Şurası Parlament Assambleyasının Mədəniyyət, elm, təhsil və media komitəsinin iclasında iştirak etmək üçün martın 10-da Parisə yola düşəcəkdir.
Tədbirdə internetə çıxış hüququ, yeni informasiya və kommunikasiya texnologiyalarının demokratiyaya təsiri, kiber məkanda təhlükəsizlik, yeni nəsil Avropalılar üçün təhsil çağırışları, Avropanın təhlükədə qalan mədəni irsi və digər mövzularda müzakirələr aparılacaqdır.
Deputatımız gündəlikdəki məsələlərlə bağlı çıxış edəcək, öz münasibətini bildirəcəkdir.
Milli Məclisin
Mətbuat xidməti