AŞPA KOMİTƏLƏRİNİN İCLASLARINDA
Milli Məclisin Mədəniyyət komitəsinin sədr müavini Rafael Hüseynov AŞPA-nın Hüquqi işlər və insan haqları komitəsinin iclasında iştirak etmək üçün martın 17-dən 24-dək Fransaya səfər edəcək.
Paytaxt Paris şəhərində keçiriləcək komitə iclasında həbs olunma üzrə alternativ addım və mexanizmlərin təşviqi, korrupsiya ilə mübarizə və digər təşkilati məsələlər müzakirə ediləcək.
Deputatımız müzakirə olunan məsələlərə öz münasibətini bildirəcək.
* * *
Milli Məclisin deputatı Elxan Süleymanov AŞPA-nın Monitorinq komitəsinin iclasında iştirak etmək üçün martın 19-dan 21-dək Fransaya səfər edəcək.
İclasda Azərbaycanda siyasi vəziyyət, Türkiyədə monitorinqin yekunlarına dair dialoq, Macarıstanda yenidən monitorinq keçirilməsi qaydaları, Ermənistanda prezident seçkilərinin nəticələri və digər məsələlər müzakirə olunacaq.
Deputatımız müzakirələrdə fəal iştirak edəcək, öz fikirlərini açıqlayacaq.
Milli Məclisin
Mətbuat xidməti