DAŞKƏNDDƏ HEYDƏR ƏLİYEVİN YUBİLEYİ KEÇİRİLİR
Milli Məclisin İnsan hüquqları komitəsinin sədri Rəbiyyət Aslanova, deputatlar Qənirə Paşayeva, Etibar Hüseynov və Aydın Abbasov ümummilli lider Heydər Əliyevin anadan olmasının 90 illik yubileyinə həsr olunmuş tədbirdə iştirak etmək üçün Özbəkistanın paytaxtı Daşkənddə səfərdədirlər.
Deputatlarımız “Heydər Əliyev və Azərbaycanın müasir tarixi: Azərbaycan-Özbəkistan münasibətləri” mövzusunda konfransda çıxış edəcəklər. Tədbirin iştirakçılarına ölkələrimiz arasında tarixən mövcud olan əlaqələrin inkişafında Heydər Əliyevin rolu barədə məlumat veriləcək, müstəqil Azərbaycan dövlətinin memarı olan ulu öndərin həyat və fəaliyyətindən geniş söhbət açılacaq.
Milli Məclisin
Mətbuat xidməti