Milli Məclisin deputatı Rövşən Rzayev AŞPA-nın Miqrasiya, qaçqınlar və məcburi köçkünlər Komitəsinin iclasında iştirak etmək üçün aprelin 2-də Mərakeşin Rabat şəhərinə yola düşəcəkdir.
  İclasda insan hüquqlarının təşviqi, Avropa Birliyinin şərq sərhədlərində miqrasiya və sığınacaq istəmə çağırışlarının tənzimlənməsi, miqrantların gəldikləri ölkələrə inteqrasiyası, Avropa məkanındakı münaqişələr nəticəsində itkin düşmüş şəxslərin humanitar vəziyyəti və digər mövzularda fikir mübadiləsi aparılacaq.
Tədbirdə deputat Rövşən Rzayev çıxış edəcək, gündəlikdəki məsələlərə münasibətini bildirəcəkdir.

Milli Məclisin
Mətbuat xidməti