DEPUTATIMIZ QAZAXISTANDA SƏFƏRDƏDİR
Milli Məclisin deputatı Adil Əliyev aprelin 17-dən Qazaxıstanın paytaxtı Astana şəhərində səfərdədir.
Millət vəkili “Müasir parlamentarizm: qanunvericilik prosesində hakimiyyətin qolları arasında qarşılıqlı əlaqələrin formalaşması, inkişafı və təkmilləşdirilməsi” mövzusunda keçiriləcək konfransın işinə qatılacaq. Tədbirdə Adil Əliyev qanun yaradıcılığı prosesində hakimiyyət orqanları arasında əməkdaşlığın əhəmiyyəti barədə fikirlərini açıqlayacaq.
Səfər çərçivəsində deputatımız ulu öndər Heydər Əliyevin 90 illik yubileyinə həsr olunmuş “Avrasiya xalqlarının dostluğu və mədəniyyəti Konqresi” cəmiyyətinin təşkil etdiyi elmi-praktik konfransda iştirak edəcək.
Səfər aprelin 22-də başa çatacaq.
Milli Məclisin
Mətbuat xidməti