BELARUSDA ULU ÖNDƏR HEYDƏR ƏLİYEVİN XATİRƏSİ ANILACAQ
Milli Məclisin İqtisadi siyasət komitəsinin sədri Ziyad Səmədzadə xalqımızın ümummilli lideri Heydər Əliyevin 90 illik yubileyi ilə əlaqədar tədbirlərdə iştirak etmək üçün mayın 3-dən 6-dək Minsk şəhərində səfərdə olacaq.
Belarus Milli Kitabxanasında ulu öndərin həyat və fəaliyyətinə həsr edilmiş elmi konfrans keçiriləcək, Heydər Əliyev Fondunun təşkilatçılığı ilə görkəmli dövlət xadimi və dahi şəxsiyyətin həyatının ən müxtəlif dönəmlərini əks etdirən sərgi nümayiş etdiriləcək. Ziyad Səmədzadə konfransda “Heydər Əliyev və Azərbaycanın iqtisadi inkişaf strategiyası” mövzusunda çıxış edəcək, Heydər Əliyevlə bağlı xatirələrini bölüşəcək.
Səfər çərçivəsində deputatımızın Belarus parlamentinin rəhbərliyi, Belarus – Azərbaycan parlamentlərarası dostluq qrupunun üzvləri ilə görüşü nəzərdə tutulur.
Milli Məclisin
Mətbuat xidməti