BEYNƏLXALQ KONFRANSDA
Milli Məclisin deputatları Elton Məmmədov və Əli Məsimli “İnkişaf üçün əməkdaşlıq: Baltik dövlətləri” mövzusunda keçiriləcək beynəlxalq konfransda iştirak etmək üçün mayın 9-da Latviyanın paytaxtı Riqa şəhərinə səfər edəcəklər.
Baltik Assambleyasının təşkil etdiyi tədbirdə Avropa İttifaqı çərçivəsində əməkdaşlığın imkanları və gələcək inkişaf perspektivləri, əlaqələrin möhkəmləndirilməsində Baltik dövlətlərinin rolu, habelə parlamentlərin, hökumət və qeyri-hökumət qurumlarının qarşılıqlı fəaliyyəti ilə bağlı məsələlər müzakirə olunacaq.
Millət vəkilləri konfransda müzakirəyə çıxarılacaq məsələlər barədə fikirlərini açıqlayacaqlar.
Səfər mayın 12-də başa çatacaq.
Milli Məclisin
Mətbuat xidməti