Milli Məclisin Beynəlxalq  münasibətlər və parlamentlərarası əlaqələr  komitəsinin sədr müavini Sevinc  Fətəliyeva Avropa Şurası Parlament Assambleyası Monitorinq Komitəsinin təşkil etdiyi dinləmələrdə iştirak etmək üçün mayın 23-dən 24-dək Estoniyada  səfərdə olacaq.
Bu ölkənin paytaxtı Tallin şəhərində keçiriləcək dinləmələr  dondurulmuş münaqişələrə həsr olunub. Toplantıda Ermənistan – Azərbaycan, Dağlıq Qarabağ,  Abxaziya  və Cənubi Osetiya, Dnesrtyanı ərazilərdə baş berən münaqişələrdə  mövcud  durum,  problemin həlli  yolları müzakirə ediləcək.
*  *  *

Milli Məclisin deputatı Sahibə Qafarova AŞPA-nın Mədəniyyət, elm və təhsil komitəsinin təşkilatçılığı ilə keçirilən  konfransda  iştirak  etmək  üçün  Londonda  səfərdədir.
Deputatımız qurumun Bərabərlik və qeyri-diskriminasiya komitəsinin işində iştirak etmək üçün isə mayın 23-dən 26-dək Fransanın Paris şəhərində olacaq. 
Millət vəkili  müzakirə olunan məsələlərə öz münasibətini  bildirəcək.

Milli Məclisin
Mətbuat  xidməti