AŞPA-nın KOMİTƏ İCLASLARINDA
Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Avropa Şurası Parlament Assambleyasının komitə iclasında iştirak etmək üçün iyunun 2-dən 4-dək Fransada səfərdə olacaq.
Parisdə keçiriləcək Sosial sağlamlıq və səhiyyə üzrə komitənin toplantısında tibbi yardım almaq üçün bərabər imkanlar, davamlı inkişafda enerji siyasətinin rolu, ərzaq təhlükəsizliyi, uşaqların inkişafında yoxsulluğun yaratdığı əngəllərin aradan qaldırılması məsələləri müzakirə ediləcək.
Deputatımız müzakirə ediləcək məsələlərə öz münasibətini bildirəcək.
* * *
Milli Məclisin deputatı Sabir Hacıyev AŞPA-nın Siyasi işlər və demokratiya komitəsinin iclasında iştirak etmək üçün iyunun 4-dən 7-dək Fransanın Paris şəhərinə səfər edəcək.
Komitədə Qırğız Respublikasının AŞPA-ya demokratiya üzrə tərəfdaş kimi qəbul olunmaq üçün müraciəti, Yaxın Şərqdə və Belarusda vəziyyət, Tunisdə keçid dövrünün yaratdığı problemlər, İqtisadi inkişaf və əməkdaşlıq təşkilatının son illərdəki fəaliyyəti və digər məsələlər barəsində fikir mübadiləsi aparılacaq.
Milli Məclisin
Mətbuat xidməti