DEPUTATIMIZ UKRAYNADA SƏFƏRDƏDİR
Milli Məclisin deputatı Ceyhun Osmanlı Ukraynanın paytaxtı Kiyevdə səfərdədir. Millət vəkili “Şərq tərəfdaşlığı ölkələrində əmək miqrasiyası” mövzusunda təşkil olunmuş konfransda iştirak edəcək.
Yığıncaqda “Şərq tərəfdaşlığı” ölkələrində miqrasiya prosesləri ilə əlaqədar həyata keçirilən tədbirlər, bu istiqamətdə beynəlxalq əməkdaşlığın inkişafı, təcrübə mübadiləsi və digər məsələlər ətrafında fikir mübadiləsi aparılacaq.
Toplantıda Ceyhun Osmanlı ölkəmizdə əmək miqrasiyasının hazırkı durumu, bu sahənin qanunvericiliklə tənzimlənməsi, habelə ortaya çıxan problemlər və onların aradan qaldırılması ilə bağlı görülən işlər barədə məlumat verəcək.
Səfər iyulun 6-da başa çatacaq.
Milli Məclisin
Mətbuat xidməti