AVROPA ŞURASI PARLAMENT ASSAMBLEYASININ KOMİTƏ İCLASI KEÇİRİLƏCƏK
Sentyabrın 10-da Parisdə Avropa Şurası Parlament Assambleyasının Miqrasiya, qaçqınlar və məcburi köçkünlər komitəsinin iclası keçiriləcək. Tədbirdə Milli Məclisin deputatı Rövşən Rzayev iştirak edəcəkdir.
İclasda Avropadakı münaqişələr zamanı itkin düşmüş şəxslərin humanitar problemləri, İtaliyanın sahilboyu ərazilərinə miqrant axını, miqrantlar və qaçqınlar arasında QİÇS-in yayılmasına qarşı mübarizə, İordaniya, Türkiyə, Livan və İraqda Suriya qaçqınlarının problemləri, Avropaya Çinli miqrantların axını ilə bağlı yaranmış problemlər və digər mövzularda fikir mübadiləsi aparılacaqdır.
Milli Məclisin
Mətbuat xidməti