MDB PA-NIN DAİMİ KOMİSSİYALARINDA
Milli Məclisin deputatları Rüfət Quliyev və Rasim Musabəyov MDB Parlamentlərarası Assambleyasının Siyasi məsələlər və beynəlxalq əməkdaşlıq üzrə daimi komissiyasının iclasında iştirak etmək üçün sentyabrın 12-dən 16-dək Qırğızda səfərdə olacaqlar.
Çolpan-Ata şəhərində keçirilən toplantıda Mərkəzi Asiya regionunda təhlükəsizliyin qorunması, Böyük Vətən müharibəsində faşizm üzərində qələbənin 70 illiyinə hazırlıq prosesi, Qırğız Respublikasının Rusiyanın Gömrük İttifaqına üzvlüyü ilə əlaqədar məsələlər müzakirə ediləcək.
Deputatlarımız iclasda müzakirə edilən məsələlərə münasibət bildirəcəklər.
Milli Məclisin
Mətbuat xidməti