MİLLİ MƏCLİSİN DEPUTATLARI TACİKİSTANA SƏFƏR EDƏCƏKLƏR
Milli Məclisin deputatları Aydın Mirzəzadə və Azər Badamov MDB Parlament Assambleyasının və qurumun İcraiyyə Komitəsinin xətti ilə ölkədə keçirilən prezident seçkilərini müşahidə etmək üçün noyabrın 4-dən 8-dək Tacikistana səfər edəcəklər.
Deputatlarımız ölkənin paytaxtı Düşənbə şəhərindəki bir sıra seçki məntəqələrində olacaq, vətəndaşların səsvermə hüquqlarının təmin olunması, demokratik seçki texnologiyalarının tətbiqi və beynəlxalq müşahidəçilərin fəaliyyəti ilə maraqlanacaqlar.
Milli Məclisin
Mətbuat xidməti