Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov noyabrın 13-dən 17-dək İsrailin paytaxtı Yerusəlim şəhərində səfərdə olacaq.
Deputatımız bu ölkədə  Azərbaycan günlərinə həsr olunmuş tədbirlərdə iştirak edəcək. Mərasimlərdə Azərbaycanın tarixi, mədəniyyəti, adət-ənənələri, bu gün ölkədə müşahidə olunan dinamik inkişaf, əldə edilən nailiyyətlər, həmçinin üzləşdiyimiz problemlər barədə ictimaiyyətə geniş məlumat veriləcək.
Səfər çərçivəsində keçiriləcək görüşlərdə xalqlarımızın bir-birinə olan dostluq münasibətləri, iki ölkə arasında əlaqələrin genişləndirilməsi məsələləri ilə bağlı fikir mübadiləsi aparılacaq.

Milli Məclisin
Mətbuat xidməti