AVROPA İTTİFAQININ TƏDBİRLƏRİ KEÇİRİLƏCƏK
Noyabrın 27-28-də Litvanın Vilnüs şəhərində Avropa İttifaqı parlamentarilərinin xarici işlər üzrə komitə sədrlərinin görüşü və Demokratiya üzrə parlament forumu keçiriləcəkdir.
Tədbirlərdə Milli Məclisin Beynəlxalq münasibətlər və parlamentlərarası əlaqələr Komitəsinin sədri, ölkəmizin Avropa Şurası Parlament Assambleyasındakı nümayəndə heyətinin rəhbəri Səməd Seyidov iştirak edəcəkdir.
İclaslarda “Avropa İttifaqının Şərq Tərəfdaşlığı: daha sıx qlobal əməkdaşlığa doğru”, Demokratiyalar keçid dövründə, Gender bərabərliyinin demokratik cəmiyyətin qurulmasında və inkişafında rolu və digər mövzularda fikir mübadiləsi aparılacaqdır.
Səməd Seyidov müzakirəyə çıxarılacaq məsələlər barədə çıxış edəcək, fikirlərini bildirəcəkdir.
Milli Məclisin
Mətbuat xidməti