Milli Məclis Sədrinin birinci müavini Ziyafət Əsgərovun başçılığı ilə nümayəndə heyəti GUAM Parlament Assambleyasının 6-cı sessiyasında iştirak etmək üçün dekabrın 1-də Gürcüstanın paytaxtı Tbilisi şəhərinə səfər edəcək. Parlament nümayəndə heyətinin tərkibinə   deputatlardan Elton Məmmədov, Əli Məsimli və Mirkazım Kazımov daxildirlər.
Tədbirdə quruma üzv ölkələrdə geosiyasi mühit, beynəlxalq təhlükəsizliyin qorunmasında parlamentlərin rolu, regional konfliktlərin sabitlik və inkişafa təsiri, Avropaya və avroatlantik məkana inteqrasiya, iqtisadi, enerji, təbii sərvətlər və ətraf mühit sahələrində əməkdaşlığın inkişaf perspektivləri, mütəşəkkil cinayətkarlıqla mübarizə və digər mövzular ətrafında fikir mübadiləsi aparılacaq.  Sessiya çərçivəsində GUAM Parlament Assambleyası Bürosunun və  komitələrinin iclasları keçiriləcək.
Nümayəndə heyətinin üzvləri toplantılarda müzakirəyə çıxarılacaq   məsələlərə dair öz mövqeyini bildirəcək, təkliflərini verəcəklər.
Səfər dekabrın 4-da başa çatacaq.

Milli Məclisin
Mətbuat xidməti