PARLAMENT XƏBƏRLƏRİ
Milli Məclisin deputatı Azay Quliyev ATƏT Parlament Assambleyasının Büro iclasında iştirak etmək üçün dekabrın 3-dən 7-dək Ukraynada səfərdə olacaq.
Kiyev şəhərində keçiriləcək toplantıda cari məsələlər və quruma üzv olan ölkələrdə seçkiləri müşahidə missiyalarının hesabatları müzakirə olunacaq. Deputatımız müzakirə olunan məsələlərə öz münasibətini bildirəcək.
* * *
Milli Məclisin deputatları Asəf Hacıyev və Mübariz Qurbanlı Asiya Parlament Assambleyasının 6-cı plenar sessiyasında iştirak etmək üçün dekabrın 6-dan 13-dək Pakistanın İslamabad şəhərinə səfər edəcəklər.
Toplantıda qurumun daimi komitə sədrləri və sessiyanın plenar bürosunun üzvləri seçiləcək, təşkilatın fəaliyyəti, görülən işlər, qarşıda duran vəzifələrlə bağlı Asiya Parlament Assambleyası Sədrinin və Baş katibinin məruzələri dinləniləcək. Qurumun fəaliyyətinin effektivliyinin gücləndirilməsi ilə bağlı interaktiv müzakirələr aparılacaq.
Deputatlarımız səfər çərçivəsində qurumun İcraiyyə Şurası üzvlərinin ikinci görüşündə, Sosial və mədəni məsələlər, Siyasi işlər daimi komitələrinin iclaslarında iştirak edəcəklər.
Milli Məclisin
Mətbuat xidməti