Milli Məclisin Hüquq siyasəti və dövlət quruculuğu komitəsinin sədri, Estoniya ilə parlamentlərarası əlaqələr üzrə işçi qrupunun rəhbəri Əli Hüseynli fevralın 10-da Tallinə səfər edəcək.
Səfər zamanı komitə sədri Estoniya qanunvericilik orqanının fəaliyyəti ilə tanış olacaq, həmkarları ilə bir sıra görüşlər keçirəcək. Görüşlərdə tərəflər parlamentlər səviyyəsində əməkdaşlığın inkişaf perspektivləri, qanun yaradıcılığı sahəsində təcrübə və informasiya mübadiləsi, qarşılıqlı səfərlərin intensivləşdirilməsi ilə bağlı fikirlərini bölüşəcəklər.
Səfər fevralın 12-də başa çatacaq.

Milli Məclisin
Mətbuat xidməti