İSRAİLDƏ XOCALI SOYQIRIMINA HƏSR OLUNMUŞ ANIM MƏRASİMİ KEÇİRİLƏCƏK
Milli Məclisin deputatı Fuad Muradov Təl-Əvivdə Xocalı soyqırımının 22-ci ildönümünə həsr olunmuş anım mərasimində iştirak etmək üçün fevralın 23-24-də İsraildə səfərdə olacaq.
Mərasim Heydər Əliyev Fondunun vitse-prezidenti Leyla Əliyevanın təşəbbüsü ilə başlanan “Xocalıya ədalət!” kampaniyası çərçivəsində İsrail Dostluq Cəmiyyəti tərəfindən təşkil olunub.
Tədbirdə Xocalı faciəsi zamanı həlak olan insanların xatirəsi anılacaq, orada törədilən vəhşiliklər haqqında həqiqətlər, bu dəhşətli hadisələrin Azərbaycan xalqına qarşı soyqırımı aktı kimi tanınması istiqamətində dövlətimizin həyata keçirdiyi məqsədyönlü fəaliyyət barədə məlumat veriləcək.
Milli Məclisin
Mətbuat xidməti