Milli Məclis Sədrinin birinci müavini Ziyafət Əsgərovun başçılıq etdiyi  parlament  nümayəndə heyəti  Xocalı soyqırımının 22-ci ildönümünə həsr olunmuş tədbirlərdə iştirak etmək üçün fevralın 25-də Ankaraya yola düşmüşdür.
Nümayəndə heyətinə Milli Məclisin deputatları Mahir Aslanov və Kamilə Əliyeva daxildirlər.
Səfər çərçivəsində nümayəndə heyətimiz Türkiyənin Keçiörən bələdiyyəsində “Xocalı” abidəsinin və meydanın açılış mərasimində iştirak edəcəkdir. Tədbirlərdə Xocalı hadisələri zamanı ermənilərin azərbaycanlılara qarşı yürütdüyü soyqırım siyasəti barədə ətraflı  məlumat veriləcək, Xocalı faciəsini əks etdirən müxtəlif materiallar nümayiş olunacaq, qətlə yetirilən soydaşlarımızın xatirəsi anılacaqdır.
Səfər fevralın 28-də başa çatacaqdır.

Milli Məclisin
Mətbuat xidməti