Milli Məclisin deputatı, İtaliya ilə parlamentlərarası əlaqələr üzrə işçi qrupunun rəhbəri Azər Kərimli martın 6-da İtaliyaya səfər edəcək.
Millət vəkili İtaliyanın Bormio şəhərinin Azərbaycanın Qax şəhəri ilə qardaşlaşma mərasimində iştirak edəcək.
Səfər çərçivəsində Azər Kərimli burada bir sıra görüşlər keçirəcək. Görüşlərdə ölkələrimiz, o cümlədən Bormio ilə Qax şəhərləri arasında müxtəlif sahələrdə əməkdaşlığın genişləndirilməsi, iki ölkə xalqlarının dostluq əlaqələrinin möhkəmləndirilməsi və digər qarşılıqlı maraq doğuran məsələlərlə bağlı fikir mübadiləsi aparılacaq.
Səfər martın 11-də başa çatacaq.

Milli Məclisin
Mətbuat xidməti