Milli Məclisin deputatı Mixail Zabelin “Rusiya-Azərbaycan: tarixi dialoq” beynəlxalq layihəsinin və layihə çərçivəsində hazırlanmış ilk kitabın təqdimat mərasimində iştirak etmək üçün martın 11-də Rusiyanın paytaxtı Moskvaya səfərə yola düşəcək.
STMEGİ xeyriyyə fondunun prezidenti German Zaxaryayevin  “Azərbaycanda etnomədəni müxtəliflik” adlı kitabının təqdimat mərasimi Rusiya Dövlət Kitabxanasının Şərq Ədəbiyyatı Mərkəzində keçiriləcək. Tədbirin təşkilatçıları Heydər Əliyev Fondu, Ümumrusiya Azərbaycan Konqresi, STMEGİ xeyriyyə fondu, Rusiya Elmlər Akademiyasıdır. Deputatımız Mixail Zabelin tədbirdə çıxış edərək Azərbaycandakı tolerantlıqdan, ölkəmizdə azsaylı xalqlara göstərilən qayğıdan danışacaq.
Səfər martın 13-də başa çatacaq.

Milli Məclisin
Mətbuat xidməti