Aprelin  9-u və 10-da  Türkiyənin Antalya şəhərində Qara Dəniz İqtisadi Əməkdaşlıq Təşkilatı Parlament Assambleyasının Mədəniyyət, təhsil və sosial məsələlər  Komitəsinin 42-ci iclası keçiriləcəkdir. Tədbirdə Milli Məclisin deputatları Asəf  Hacıyev və Jalə Əliyeva iştirak edəcəklər.
İclasda “Qara dəniz regionunda gənclər arasında işsizlik və məşğulluq siyasəti: gənc nəslin imkanlarının genişləndirilməsinin vacibliyi” mövzusunda məruzə dinləniləcək, mövzu ətrafında müzakirələr aparılacaqdır.
Deputatlarımız tədbirdə çıxış edəcək, məsələ barədə fikirlərini bölüşəcəklər.

Milli Məclisin
Mətbuat xidməti