XOCALI FACİƏSİNİN QURBANLARI LATVİYADA VƏ ESTONİYADA YAD EDİLİB
Milli Məclisin deputatları Sahibə Qafarova və Fuad Muradov Latviyanın Riqa və Estoniyanın Tallin şəhərlərində Xocalı soyqırımının 20-ci ildönümünə həsr olunmuş tədbirlərdə iştirak ediblər.
Heydər Əliyev Fondu tərəfindən təşkil olunmuş mərasimlərdə Xocalı faciəsinin tarixi, bu dəhşətli hadisənin acı nəticələri barədə məlumatlar geniş ictimaiyyətə çatdırılıb, qətliamın qurbanlarının əziz xatirəsi yad edilib.
Səfər fevralın 29-da başa çatacaq.
Milli Məclisin
Mətbuat xidməti