MİLLİ MƏCLİSİN DEPUTATI BEYNƏLXALQ KONFRANSDA İŞTİRAK EDƏCƏK
Milli Məclisin deputatı Bəxtiyar Əliyev “Qırğızıstanda korrupsiya ilə mübarizədə dövlət siyasətinin həyata keçirilməsində parlamentin rolu” mövzusunda beynəlxalq konfransda iştirak etmək üçün iyunun 8-də Qırğızıstanın paytaxtı Bişkek şəhərinə səfər edəcək.
Tədbirdə Qırğızıstanın Prezidenti A.Atambayev, ölkə parlamentinin sədri A.Jeenbekov, Parlamentarilərin Korrupsiyaya Qarşı Beynəlxalq Təşkilatının (GOPAC) icraçı direktoru A.Maxaraji və bir sıra digər beynəlxalq qurumların rəsmiləri də iştirak edəcəklər.
Konfransda dövlət idarəçiliyində korrupsiyaya qarşı mübarizədə parlamentin rolu, bu baxımdan Qırğızıstandakı durumun qiymətləndirilməsi, bu istiqamətdə hüquqi bazanın təkmilləşdirilməsi, korrupsiya əleyhinə institutların fəaliyyəti, mədən sənayesində şəffaflığın təmin edilməsi və digər məsələlər ətrafında fikir mübadiləsi aparılacaq.
Səfər iyunun 11-də başa çatacaq.
Milli Məclisin
Mətbuat xidməti