QADIN MƏSƏLƏLƏRİNƏ HƏSR OLUNMUŞ BEYNƏLXALQ KONFRANS KEÇİRİLƏCƏK
Milli Məclisin deputatı Sahibə Qafarova “Qadınların Cənubi və Şərqi Aralıq Dənizi hövzəsi ölkələrinin siyasi həyatında iştirakı” mövzusunda beynəlxalq konfransda iştirak etmək üçün iyunun 14-də Mərakeş Krallığının paytaxtı Rabat şəhərinə səfər edəcək.
Tədbirdə gender bərabərliyi prinsipinin Konstitusiya islahatlarında nəzərə alınması, gender bərabərliyi mədəniyyətinin təbliğində medianın rolu, qadınların seçki prosesində iştirakının təşviqi, siyasi partiyaların fəaliyyətində yaxından təmsil olunması, onlara sosial və iqtisadi sahədə daha geniş imkanların yaradılması məsələləri ətrafında müzakirələr aparılacaq.
Millət vəkili müzakirə olunacaq məsələlərlə bağlı öz münasibətini bildirəcək, təkliflərini verəcək.
Səfər iyunun 19-da başa çatacaq.
Milli Məclisin
Mətbuat xidməti