DEPUTATLARIMIZ TÜRKİYƏDƏ PREZİDENT SEÇKİLƏRİNİ MÜŞAHİDƏ EDƏCƏKLƏR
Milli Məclisin Aqrar siyasət komitəsinin sədri Eldar İbrahimov, Mədəniyyət komitəsinin sədri Nizami Cəfərov və deputat Sədaqət Vəliyeva Türkdilli Dövlətlərin Parlament Assambleyasının (TürkPA) xətti ilə ölkədə keçirilən prezident seçkilərini müşahidə etmək üçün avqustun 7-dən 13-dək Türkiyəyə səfər edəcəklər.
Deputatlarımız ölkənin paytaxtı Ankara şəhərindəki bir sıra seçki məntəqələrində olacaq, vətəndaşların səsvermə hüquqlarının təmin olunması, demokratik seçki texnologiyalarının tətbiqi və beynəlxalq müşahidəçilərin fəaliyyəti ilə maraqlanacaqlar.
Milli Məclisin
Mətbuat xidməti