BEYNƏLXALQ KONFRANSDA
Milli Məclisin deputatı Məlahət İbrahimqızı sentyabrın 8-dən Belçikanın Brüssel və Fransanın Paris şəhərlərində səfərdə olacaq.
Millət vəkili Qadın haqları üzrə beynəlxalq liqa tərəfindən keçiriləcək konfransda iştirak edəcək. Tədbirdə Avropada qadınların hüquq də azadlıqlarının təmin edilməsi və qorunması, bu məsələnin qanunvericilikdə əks olunması ilə bağlı müzakirələr aparılacaq.
Deputatımız öz çıxışında Azərbaycanda qadınların vəziyyətindən, onlara göstərilən qayğıdan, qadınların dövlət idarəçiliyində fəal iştirakından, habelə ölkəmizdə qadın haqlarının təmin edilməsi istiqamətində hüquqi bazanın yaradılması barədə söhbət açacaq.
Səfər sentyabrın 12-də başa çatacaq.
Milli Məclisin
Mətbuat xidməti