AVROPA HEMOFİLİYA KONSORSİUMUNUN TƏDBİRLƏRİ KEÇİRİLƏCƏKDİR
Oktyabrın 3-dən 5-dək Şimali İrlandiyanın Belfast şəhərində Avropa Hemofiliya Konsorsiumunun təşkilatçılığı ilə beynəlxalq konfrans keçiriləcəkdir. Tədbirdə Milli Məclisin Sosial siyasət komitəsinin sədri Hadi Rəcəbli iştirak edəcəkdir.
Avropanın 44 ölkəsində fəaliyyət göstərən milli təşkilatları özündə birləşdirən bu qurumun məqsədi hemofiliyalı və digər qanın irsi laxtalanma pozuntuları olan insanlarda xəstəliyin yüngülləşdirilməsi və insanların həyat keyfiyyətinin yaxşılaşdırılmasıdır.
Tədbir çərçivəsində Avropa Hemofiliya Konsorsiumunun Baş Assambleyasının iclasının keçirilməsi də nəzərdə tutulmuşdur.
Milli Məclisin
Mətbuat xidməti