1960-cı il yanvarın 14-də Naxçıvan Muxtar Respublikası Şərur rayonunun Araliq kəndində anadan olmuşdur. Naxçıvan Dövlət Pedaqoji İnstitutunun tarix fakültəsini və Bakı Dövlət Universitetinin hüquq fakültəsini bitirmişdir. İqtisad elmləri namizədi, dosentdir. Rus dilini bilir. 1981-ci ildən Şərur rayonunun Dəmirçi kənd orta məktəbində müəllim, 1982-ci ildən Naxçıvan trikotaj paltarları fabrikində kadrlar üzrə təlimatçı, xüsusi şöbənin rəisi işləmişdir. 1991-ci ildən Naxçıvan Muxtar Respublikası Ali Məclisi Sədrinin baş köməkçisi, 1994-cü ildən Naxçıvan Muxtar Respublikası Baş nazirinin birinci müavini vəzifələrində çalışmışdır. 1995-ci ildən Naxçıvan Muxtar Respublikası Ali Məclisinin Sədridir. Yeni Azərbaycan Partiyası Sİyasi Şurasının və İdarə Heyətinin üzvüdür. Birinci və İkinci çağırış Azərbaycan Respublikası Milli Məclisinin deputatı olmuşdur. Azərbaycan-İran parlamentlərarası əlaqələr işçi qrupunun rəhbəri, Azərbaycan-Amerika Birləşmiş Ştatları, Azərbaycan-Fransa parlamentlərarası əlaqələr üzrə işçi qruplarının üzvüdür. Evlidir, 3 övladı var.