1961-ci il fevralın 11-də Balakən rayonunun Qazma kəndində anadan olmuşdur. Kuybışev DəmirYolu Nəqliyyatı Mühəndisləri İnstitutunun Dəmir yolu nəqliyyatında daşıma proseslərinin idarə edilməsi fakültəsini və Bakı Dövlət Universitetinin Hüquq fakültəsini bitirmişdir. Fəxri dəmiryolçudur. Rus və ingilis dillərini bilir. 1982-ci ildən Rusiya Federasiyasının Saransk, Kuybışev şəhərlərində tikinti idarələrinin dülgəri, tikinti ustası, quraşdırma üzrə mühəndisi, kooperativ sədri işləmiş, 1989-cu ildən Azərbaycan Dəmir Yolu Balakən stansiyasının növbətçisi, 1991-ci ildən Balakən stansiyasının rəisi vəzifələrində çalışmış, 2000–2006-cı illərdə Balakən Rayon İcra Hakimiyyətinin başçısı, 2006–2015-ci illərdə Bakı şəhəri Nəsimi Rayon İcra Hakimiyyətinin başçısı olmuşdur. Yeni Azərbaycan Partiyasının üzvüdür. Milli Məclisin Beynəlxalq münasibətlər və parlamentlərarası əlaqələr komitəsinin üzvüdür. Amerika Birləşmiş Ştatları, Avstraliya və Yeni Zelandiya, Belarus, Qətər, Norveç, Rusiya, Türkiyə parlamentləri ilə əlaqələr üzrə işçi qruplarının üzvüdür. GUAM-ın Parlament Assambleyasında Azərbaycan nümayəndə heyətinin üzvüdür. Evlidir, 3 övladı var.