PARLAMENT XƏBƏRLƏRİ
Milli Məclisin deputatı Cavanşir Feyziyev Avropa Parlamentində keçiriləcək görüşlərdə iştirak etmək üçün noyabrın 25-dən 30-na kimi Fransanın Strasburq şəhərində səfərdə olacaq.
Deputatımız səfər çərçivəsində Avropa Parlamentinin 20-yə yaxın üzvü, o cümlədən qurumun Azərbaycan üzrə daimi məruzəçisi xanım Jelena Zovko ilə görüşəcək.
Görüşlərdə Milli Məclislə Avropa Parlamenti arasında münasibətlərin inkişaf perspektivləri, ikitərəfli əlaqələrin genişləndirilməsində qarşılıqlı səfərlərin rolu haqqında fikir mübadiləsi aparılacaq.
***
Milli Məclisin Əmək və sosial siyasət komitəsinin sədr müavini Rauf Əliyev noyabrın 24-25-də İsrailin Təl-Əviv şəhərində səfərdə olacaq.
Deputatımız bu ölkəyə İsrail-Azərbaycan (Azİz) Beynəlxalq Assosiasiyasının III Qurultayında iştirak etmək üçün gedir.
Milli Məclisin
Mətbuat xidməti