Azərbaycan və Çili parlamentlərarası dostluq qruplarının görüşü keçirilib
İyunun 23-də Azərbaycan Milli Məclisi və Çili Senatının parlamentlərarası dostluq qruplarının videokonfrans formatında görüşü keçirilib. Görüşdə Azərbaycan tərəfindən Çili ilə parlamentlərarası əlaqələr üzrə işçi qrupunun rəhbəri Azər Badamov, qrupun üzvü İqbal Məmmədov, ölkəmizin Argentina, Çili, Uruqvay, Paraqvay və Boliviyadakı səfiri Rəşad Aslanov, digər rəsmi şəxslər iştirak ediblər.
Səudiyyə Ərəbistanı ilə parlamentlərarası əlaqələrimiz genişlənir
İyunun 23-də Milli Məclisin Azərbaycan-Səudiyyə Ərəbistanı parlamentlərarası əlaqələr üzrə işçi qrupunun üzvləri Səudiyyə Ərəbistanı Krallığının Məşvərət Şurasında fəaliyyət göstərən Azərbaycanla parlamentlərarası dostluq qrupunun üzvləri ilə onlayn formatda görüş keçiriblər.
Hüquq siyasəti və dövlət quruculuğu komitəsinin iclasında
İyunun 23-də Milli Məclisin Hüquq siyasəti və dövlət quruculuğu komitəsinin videokonfrans formatında iclası keçirilib. İclası açan Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli bildirib ki, gündəliyə 4 qanun layihəsi daxil edilib.
Parlamentlərarası əməkdaşlıq Dayanıqlı İnkişaf Məqsədlərinin həyata keçirilməsinə xidmət edəcək
İyunun 23-də Özbəkistan Ali Məclisi Senatının BMT ilə tərəfdaşlıqda təşkil etdiyi “Davamlı İnkişaf Məqsədlərinin həyata keçirilməsində Parlamentlərarası Qlobal Əməkdaşlıq” Beynəlxalq Forumu Buxara şəhərində öz işinə başlayıb. Hibrid formatda keçirilən foruma BMT-dən və beynəlxalq təşkilatlardan, dünyanın bir çox parlamentlərindən çoxsaylı nümayəndələr qatılıb. Milli Məclisdən deputat Arzu Nağıyev videoformatda tədbirə qatılıb.
QDİƏT PM-in Baş Assambleyasında
İyunun 22-də Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) 57-ci Baş Assambleyasının onlayn formatda iclası keçirilib. Tədbirdə Milli Məclisi QDİƏT PM sədrinin müavini və qurumdakı Azərbaycan nümayəndə heyətinin rəhbəri Eldar Quliyev, nümayəndə heyətinin üzvləri Eldar İbrahimov, Musa Quliyev və Ramin Məmmədov təmsil ediblər.
Milli Məclisin plenar iclasında
İyunun 22-də Spiker Sahibə Qafarovanın sədrliyi ilə parlamentin növbədənkənar sessiyasının daha bir iclası keçirilib. İclasa başlamazdan əvvəl Milli Məclisin Sədri bu günlərdə Türkiyə Prezidenti cənab Rəcəb Tayyib Ərdoğanın ölkəmizə rəsmi səfəri, Milli Məclisə təşrif buyurması və deputatlar qarşısındakı çıxışı barədə fikirlərini bölüşüb.
Milli Məclisdə görüş
İyunun 21-də Milli Məclisin Azərbaycan-Misir parlamentlərarası əlaqələr üzrə işçi qrupunun rəhbəri Ceyhun Məmmədov Misir Ərəb Respublikasının Azərbaycandakı səfiri Adel İbrahim Ahmed İbrahim ilə görüşüb.
Təbii ehtiyatlar, energetika və ekologiya komitəsinin iclasında
İyunun 18-də Milli Məclisin Təbii ehtiyatlar, energetika və ekologiya komitəsinin iclası keçirilib. Komitə sədri Sadiq Qurbanov bildirib ki, gündəliyə “Enerji resurslarından səmərəli istifadə və enerji effektivliyi haqqında” Azərbaycan Respublikasının qanun layihəsi birinci oxunuşda daxil edilib. Qeyd edilib ki, sənəd qanunvericilik təşəbbüsü qaydasında ölkə Prezidenti tərəfindən Milli Məclisə təqdim olunub.
Milli Məclisin Beynəlxalq münasibətlər və parlamentlərarası əlaqələr komitəsində
İyunun 18-də Milli Məclisin Beynəlxalq münasibətlər və parlamentlərarası əlaqələr komitəsinin iclası keçirilib. İclasda əvvəlcə Niderland Krallığı ilə ikitərəfli münasibətlərə dair müzakirələr aparılıb.
Əmək və sosial siyasət komitəsində 11 məsələyə baxılıb
İyunun 18-də Milli Məclisin Əmək və sosial siyasət komitəsinin iclasında 11 məsələyə baxılıb. Əsasən əlilliyin təyinatında yeni meyarlara keçid və əmək pensiyaları ilə əlaqədar olan qanun layihələrinin müzakirəsində Milli Məclis Sədrinin birinci müavini Əli Hüseynli, Milli Məclis Sədrinin müavini Adil Əliyev, Milli Məclis Aparatının rəhbəri Səfa Mirzəyev, parlamentin 8 komitəsinin sədrləri və müavinləri, Əmək və Əhalinin Sosial Müdafiəsi Nazirliyinin, Tibbi-Sosial Ekspertiza və Reabilitasiya Agentliyinin təmsilçiləri iştirak ediblər.
AŞPA-nın yay sessiyasında
Milli Məclisin Beynəlxalq münasibətlər və parlamentlərarası əlaqələr komitəsinin sədri, AŞPA-dakı nümayəndə heyətimizin rəhbəri Səməd Seyidovun başçılığı ilə deputatlar Sevinc Fətəliyeva, Rafael Hüseynov, Nigar Arpadarai, Kamal Cəfərov və Erkin Qədirli qurumun yay sessiyasında iştirak etmək üçün iyunun 19-dan 26-na kimi Fransanın Strasburq şəhərində səfərdə olacaqlar.
Türkiyə Prezidenti Rəcəb Tayyib Ərdoğan Milli Məclisdə çıxış edib (Yenilənib)
Xəbər verildiyi kimi, Azərbaycanda səfərdə olan Türkiyə Cümhuriyyətinin Prezidenti, zati-aliləri cənab Rəcəb Tayyib Ərdoğan iyunun 16-da Milli Məclisdə olub. Ali qonağı Milli Məclisin Sədri Sahibə Qafarova qarşılayıb. Sonra təkbətək görüş olub.
Norveç bölgədə sülhün və sabitliyin tərəfdarıdır
İyunun 14-də Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Norveç Krallığının Azərbaycanda akkreditə olunmuş səfiri Erling Sönsberq ilə görüşüb.
Azərbaycan və Qazaxıstan parlamentlərarası dostluq qruplarının görüşündə
İyunun 14-də Azərbaycan və Qazaxıstan parlamentlərarası dostluq qrupları arasında onlayn görüş keçirilib. Görüşdə Milli Məclis Sədrinin müavini, Azərbaycan-Qazaxıstan parlamentlərarası əlaqələr üzrə işçi qrupunun rəhbəri Adil Əliyev iki ölkə arasındakı münasibətlərdən danışaraq, Ümummilli lider Heydər Əliyevlə Qazaxıstanın birinci Prezidenti Nursultan Nazarbayev arasında mövcud olmuş şəxsi dostluq münasibətlərinin bu əlaqələrin inkişafına mühüm töhfə verdiyini bildirib.
Parlamentlərarası Komissiyanın 15-ci iclasında
Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynlinin başçılığı ilə deputatlar Ağalar Vəliyev, Nizami Səfərov, Mixail Zabelin, Elnur Allahverdiyev və Sevinc Hüseynova iyunun 15-dən 17-nə kimi Rusiyanın paytaxtı Moskva şəhərində səfərdə olacaqlar.
Milli Məclisin Sədri Sahibə Qafarova Azərbaycanda səfərdə olan Böyük Britaniya nümayəndə heyətini qəbul edib
İyunun 12-də Milli Məclisin Sədri Sahibə Qafarova Azərbaycanda səfərdə olan Böyük Britaniya parlamentinin sabiq üzvü və keçmiş nazir müavini Şahid Malikin rəhbərlik etdiyi nümayəndə heyətini qəbul edib.
Milli Məclisin plenar iclasında
İyunun 11-də Spiker Sahibə Qafarovanın sədrliyi ilə parlamentin növbədənkənar sessiyasının daha bir iclası keçirilib. Parlamentin Sədri iclası açaraq diqqətə çatdırıb ki, həmişə olduğu kimi, Azərbaycan tarixinin möhtəşəm hadisələri ərəfəsində biz Milli Məclisin iclaslarında onları qeyd edirik və bu iclasımız da Azərbaycan tarixinin gedişini dəyişmiş bir hadisənin ildönümü ərəfəsində keçirilir. Bir neçə gündən sonra xalqımız Qurtuluş bayramını qeyd edəcəkdir.
Azərbaycanla Ukrayna arasında əməkdaşlığın perspektivləri müzakirə olunub
İyunun 10-da “Ukrayna-Azərbaycan: əməkdaşlıq perspektivləri” mövzusunda beynəlxalq dəyirmi masa keçirilib. Videokonfrans formatında keçirilən tədbirdə Azərbaycan-Ukrayna parlamentlərarası əlaqələr üzrə işçi qrupunun rəhbəri Rüfət Quliyev, Azərbaycan Respublikası Diasporla İş üzrə Dövlət Komitəsinin məsul şəxsləri, Ukrayna Ali Radasının Azərbaycanla dostluq qrupunun üzvləri, Ukrayna azərbaycanlılarının diaspor təşkilatlarının təmsilçiləri, ictimai və akademik çevrələrin nümayəndələri iştirak ediblər.
Milli Məclisdə Əfqanıstan diplomatları ilə görüş
İyunun 10-da Milli Məclisdə ADA Universitetində (Azərbaycan Diplomatik Akademiyası) təlim keçən Əfqanıstan İslam Respublikasının diplomatları ilə görüş olub.
Azərbaycanda Atatürk Mərkəzində simpozium keçirilib
İyunun 9-da Bakıda türkdilli dövlətlərin müstəqilliklərinin 30-cu ildönümü, İkinci Qarabağ müharibəsində Azərbaycanın böyük Zəfəri və Türkiyə Böyük Millət Məclisinin 100-cü ildönümünə həsr edilmiş simpozium keçirilib.